O evanxeo non se impón

No ano 2004, Charles Phillips e Alan Axelrod, contabilizaban ata 123 guerras relixiosas no seu libro “Enciclopedia das guerras”. Esta cifra representa case o 7% das guerras que se produciron ao longo da historia da humanidade. Resulta triste descubrir que millóns de persoas trataron de impoñer a súa fe relixiosa pola forza ou mesmo matando.

Os apóstolos Xoán e Xacobe desexaban que un lume consumise aos samaritanos que se negaban a dar aloxamento a Xesús e os seus discípulos. O Mestre repréndelles e as súas palabras lémbranme que utilizando o nome de Deus realizáronse barbaridades movidas por orgullo, amor ao diñeiro, paixón e vinganza persoal.

Xesús ensínanos a realizar o ben a todos e que a ninguén danemos; que falemos con amor e respecto das súas boas noticias de salvación, non por medio das coaccións e ameazas.