Non sei de onde sodes

“Entón comezaredes a dicir: Diante de ti comemos e bebemos, e nas nosas prazas ensinaches. E El dirá: Dígovos que non sei de onde sodes; afastádevos de min todos os que facedes maldade.”

(Lucas 13: 26-27)

Con bastante frecuencia observamos como moitos dos fillos de cristiáns continúan asistindo ás igrexas, tomando os símbolos de comunión e escoitando reflexións bíblicas. Algunhas destas persoas interiorizan que por seguir a relixión cristiá van ter a salvación espiritual de Xesús despois da morte.

A resposta contundente do Mestre é un xarro de auga fría para eles e ensínanos que aínda que el sabe todo das súas vidas, non os coñece no sentido dunha relación vital de fe sinceira, que os transforme a realizar o ben e deixar de practicar o mal.

Non todos os cristiáns convencidos foron convertidos por Cristo. A relixión non salva porque só el é que o fai.