A historia repítese

A Oriente Medio enfronta transformacións de grande calado que poderían alterar radicalmente a súa composición pluralista. Segundo autores como Patrick Cockburn e Charles Glass, o apoio tácito de Israel, Estados Unidos e os estados do Golfo ás forzas xihadistas en Siria ten implicacións devastadoras para a estabilidade e diversidade da rexión. A cambio de debilitar a Hezbolá e reducir a influencia de Irán, as potencias sunnís parecen dispostas a aceptar a consolidación dun “Gran Israel” e a aniquilación da causa palestina e das comunidades chiís e cristiás en Siria e no Líbano.

Os ataques israelís e estadounidenses contra a infraestrutura siria facilitaron o avance de grupos como Hay’at Tahrir al-Sham (HTS), considerado unha organización terrorista polos Estados Unidos e a UE. Porén, preséntase agora nos medios occidentais como unha alternativa lexítima, a pesar do seu pasado vinculado a Al Qaeda, ao radicalismo do seu líder Al-Jolani que se mostra hogano como moderado incluso despois de que a CIA valorase o sús captura en 10 millóns de dólares ou a financiación de EEUU de 500 millóns ás forzas rebeldes sirias.

Esta narrativa encubre as consecuencias do sectarismo imposto polo salafismo, financiado desde o Golfo, que está a desposuír a rexión.

Siria e o Líbano eran baluartes de convivencia, onde coexistían sunnís, chiís, cristiáns e alauís. Porén, a guerra e as divisións sectarias alimentadas por actores externos están a destruír este legado. En Alepo, por exemplo, impóñense estritas regras salafistas como a eliminación de símbolos cristiáns. Paralelamente, en Israel, Ilan Pappé describe o xiro cara a políticas máis excluíntes e un apartheid consolidado contra a minoría árabe.

Na mesma liña, o historiador Peter Frankopan subliña que estas divisións son unha ferramenta recorrente das potencias coloniais para dividir e dominar. O que estamos a presenciar, é un Oriente Medio redeseñado baixo un pacto implícito: o sacrificio de Palestina e do pluralismo a cambio da hexemonía sunní-salafista e israelí, perpetuando unha política de supremacismo relixioso e étnico.