Morreu o capitán de navía Araguas Neira

Logo dun percorrido intenso pola vida (morreu aos noventa e cinco anos, nacera en 1919, en Logroño) foise desta Antonio Araguas Neira, pai do noso colaborador, Vicente Araguas. O vello Capitán de Navío, o decano da Armada (ingresara nela como mariñeiro voluntario, no cruceiro "Velasco" no verán de 1936), faleceu en Ferrol, no seu domicilio do barrio de Canido, o 4 de marzo deste ano. Deixa viuva, María Teresa Álvarez, e unha biografía profesional chea de momentos fructíferos. Entre os seus destinos no mar figuran os de Comandante do transporte "Almirante Lobo" e do minador "Neptuno". Sendo, xa en terra, Comandante do Cuartel de Instrucción e da Comandancia de Mariña de Ferrol. Home enteiro e liberal (por xeneroso) en tempos pouco doados Antonio Araguas Neira ocupou cargos filantrópicos en Cáritas, sendo vicepresidente do Racing de Ferrol entre 1962 e 1964. Con el marcha toda unha época; difícil mais que habería de abrir un futuro con esperanza para o noso país.