A gran revolución

“Eran perseverantes en escoitar a ensinanza dos apóstolos, no amor común e nas oracións (…) comendo xuntos con alegría e sinxeleza de corazón; loaban a Deus e eran ben vistos por todo o pobo” (Feitos dos apóstolos 2:41-47)

Lucas, o médico-historiador, escribe o chamado Libro dos Feitos para ensinarnos o que aconteceu na historia da primeira Igrexa, e como persoas normais e correntes foron capaces de transformar o mundo polo poder de Deus.

No comenzo do libro explica que o número dos seguidores de Xesús eran cento vinte, depois mil, máis tarde tres mil e conforme vai contando a historia xa non menciona o seu número porque o evanxeo esténdese por todas partes, a pesar das persecucións ás que foron sometidos os cristiáns.

O motivo? Vivir o amor incondicional que Xesús lles mostrou e depender de Deus en todo o que facían. Sabían que Xesús estaba con eles (tíñano visto depois de resucitado durante máis de corenta días) e que o poder de Deus podía cambiar calquera situación.

Hoxe podemos vivir do mesmo xeito ca eles.