A Maior Aventura

“Segundo o poder dunha vida indestrutible” (Hebreos 7:16)

Unha frase que semella o título dunha película de aventuras é a que define a carta. Trátase de vivir dun xeito diferente, co mesmo poder co que viviu Xesús. Trátase de deixar de lado a relixiosidade que só serve para atrapallarnos a nós mesmos. Trátase de que non se pode vivir cun pé no barco e outro no porto: ou hai que embarcarse ou quedar. Ou se cre ou non se cre.

O escritor da carta ensínanos que se poden ter moitas dúbidas, pero hai que decidirse. Fala de que a fe vai máis alá do que pensamos, e que por ela podemos ver o invisible, crer o que Deus fala e vivir descansando sempre nel. Non é unha fe cega, senón que se afirma no vencedor, aquel que viviu segundo o poder dunha vida indestrutible (de aí a frase) e que pode facer que nós vivamos dese mesmo xeito. Aquí e por toda a eternidade.