“Como vos convertestes dos ídolos para servir o Deus vivo e verdadeiro” (1 Tesalonicenses 1: 9-10)
Vidas transformadas; millóns ao longo de toda a historia. Dende o primeiro século esa foi unha das consecuencias da extensión do cristianismo en todo o mundo. Paulo explica que os tesalonicenses abandonaran os ídolos e as prácticas sen sentido para seguir a Xesús, e todos o viron.
Cando queremos ter seguridade en canto á nosa vida espiritual, a pregunta é sinxela: A quen imos seguir? Podemos ter moitas ideas diferentes e admirar moitas persoas, pero Xesús foi quen de ir a unha cruz no noso lugar e vencer a morte por nós. Iso non o fixo ninguén máis. Algúns poden axudarnos a reformar un pouco a vida, pero o único que pode darnos seguridade é o que resucitou por nós.
Esa é unha das razón polas que Paulo admira o valor, o amor e a entrega daqueles que seguen honrando a Xesús.
