Como sachar a leira e non recoller as patacas

A xeración con máis formación da historia do noso país é a xeración perdida. Isto quere dicir que tódolos cartos invertidos en dita formación foi coma tiralos o lixo, os nosos cartos, da nosa suor. Parece que en España a xente lle gusta traballar en balde. Existe aquel que aínda premia a súa intelixencia por non haber estudiado e haberse posto a traballar "mira moitos títulos e no paro ja ja, agora traballan para min".

Non haber estudiado non foi de intelixentes, foi xustamente sorte por haber topado cun país de corruptos e ladróns, porque che tocou España, ollo, tamén che puido tocar Siria e non dirías o mesmo. Sorte ou desgracia, porque para min un país onde se premia a ignorancia sempre será desgracia, por moito traballo que poida ter.

Pero isto parece que os maiores, xente afeccionada ós partidos de dereitas, afeccionada a corrupción, non o entende e voullo explicar no seu propio idioma: a formación actual é coma sachar a leira e non recoller as patacas, a sanidade é coma plantar castiñeiros durante toda a vida esperando ter colleita e que chos queimen, os políticos corruptos é coma cebar porcos e non matalos. E con todo isto botariámonos as mans a cabeza, pois haber se comezamos a entendelo.