Amor sen límites

“Xa que amara aos seus que estaban no mundo, amounos ata a fin!” (Evanxeo segundo Xoán 13:1)

O amor move o mundo. Todos falamos del e todos nos cremos expertos nel. Todos amamos dalgunha ou doutra maneira, pero, coñecemos realmente o que iso significa? A Biblia di que o Señor Xesús “logo de amar ós seus, amounos ata o máximo posible”, é dicir, nunca houbo nin haberá un amor coma ese.

O amor de Deus é infinito, así que cando ese amor se expresa, faino dunha maneira infinita. Por iso Xesús foi a unha cruz no meu lugar e no teu lugar. Como o seu amor é infinito, o prezo que pagou por cada un de nós é tamén infinito. Deuse a si mesmo! 

Cando Alguén nos ama así, a cuestión non é tanto comprender ese amor (literalmente é inconcibible), nin moito menos tentar explicalo. Simplemente deixámonos “abrazar”, aniñámonos no seo de quen nos ama, como fan os nosos fillos con nós, e gozamos de que o noso Creador nos ame máis aló de todo o imaxinable. Porque ese Amor infinito é o que transforma a nosa vida por completo.