Encontro na Eurocidade Chaves-Verín de profesionais creativos galegos e lusos

NETWORKING TRANSFRONTEIRIZO

Arredor de 30 creadores galegos e portugueses desfrutaron dunha xornada de aprendizaxe mutua na sede da Eurocidade Chaves-Verín.

Profesionais creativos de distintos eidos do sector audiovisual. | Eurocidade Chaves-Verín

A sede da Eurocidade Chaves-Verín en Feces de Abaixo converteuse recentemente no punto de encontro de referencia para o ecosistema cultural e creativo raioto. O evento de “networking” Redes Creativas, no marco do proxecto Incubtrans, reuniu unha trintena de profesionais de diversas disciplinas coa finalidade de fortalecer a colaboración transfronteiriza.

A xornada contou coa participación do vicepresidente do Munícipio de Chaves, Tiago Caldas, e do tenente de alcalde de Verín, Diego Lourenzo, quenes coincidiron en sinalar que esta cooperación estreita é un motor fundamental para o desenvolvemento cultural e a xeración de riqueza na fronteira.

Os asistentes involucráronse en dinámicas interactivas que permitiron realizar un mapeo colectivo do ecosistema local, ademais de participar en sesións de contactos.